Монголын авто замчин залуучуудын холбоо уламжлал болгон зохион байгуулдаг авто замын салбарын залуучуудын чөлөөт цагийг зөв зохистой өнгөрүүлэх, шилдэг баг, тамирчдыг шалгаруулах зорилготой залуучуудын нэрэмжит тэмцээнээ  амжилттай зохион байгууллаа.

Тэмцээн 2015-01-26 Буянт-Ухаа спортын ордонд сагсан бөмбөг,ширээний теннис,дартс гэсэн 3 төрлөөр болж өнгөрлөө.Тэмцээнд нийт 16 баг оролцлоо.Оролцсон баг,тамирчид,компаниуддаа ажил хөдөлмөр,спортын өндөр амжилт хүсье.

Сагсан бөмбөг (эрэгтэй)
1-р байр: SRP ХХК
2-р байр: МАЗЗХолбоо
3-р байр: Наранбулагхан ХХК

 

Сагсан бөмбөг (эмэгтэй)
1-р байр: Тэргүүн саруул зам ХХК
2-р байр: Наранбулагхан ХХК
3-р байр: Арж капитал ХХК

 

Дартсын тэмцээн
1-р байр: SRP ХХК
2-р байр: Арж капитал ХХК
3-р байр: МАЗЗХолбоо

Ширээний теннис(эмэгтэй)
1-р байр: Р.Чанцал дулам
2-р байр: Д.Ням-Осор
3-р байр: Н.Энхтуяа

Ширээний теннис(эрэгтэй)
1-р байр: Г.Чинтөгс
2-р байр: Ч.Цоодол
3-р байр: Л.Пүрэвсүрэн

Огноо: 2015-01-30

Зам засвар, шинэчлэлийн чиглэлээр

Дүүргүүдэд 9,843,4 сая төгрөгийн зам засварын ажил хийгдэнэ

Нийслэлийн төсвийн хөрөнгөөр 2015 онд Баянгол, Баянзүрх, Чингэлтэй, Сүхбаатар, Сонгинохайрхан, Хан-Уул дүүрэг тус бүрт 1,500,0 сая төгрөг, Багануур дүүрэгт 367,2 сая төгрөг, Багахангай дүүрэгт 108,6 сая төгрөг , Налайх дүүрэгт 367,6 сая төгрөгийн санхүүжилтээр төв замын засвар болон хороолол доторхи зам засвар шинэчлэлтийн ажил хийхээр шийдвэрлэсэн байна.

Нарны замыг 19-р хороололтой холбоно

Өлзийт хороолол-Шувуун фабрик чиглэлийн 9,06 км авто зам, Төмөр замын урдуурх хэвтээ тэнхлэгийн гол гудамж замын зүүн хэсгийн үргэлжлэл 6.0 км авто зам /Дүнжингарав худалдааны төвийн замаас Улиастайн замын уулзвар хүрэх, Нарны замыг 19-р хорооллын арын замтай холбох 1,5 км шинэ зам, замын байгууламжийн 58 у/м гүүр болон төмөр зам доогуурх Нарны замтай холбогдсон 22м туннелийн хамт, 120 мянгат, 19-р хорооллын доторхи талбайн борооны ус зайлуулах ажил, Яармагийн гүүрээс Нисэхийн товчоо /1 дүгээр хэсэг/ Сонсголонгийн замын уулзвараас Яармагийн товчоо /2 дугаар хэсэг/ хүртэлх 13.7 км авто замын өргөтгөл, шинэчлэлт, Шарга морьт-Жигжидийн уулзвараас Гүнтийн даваа чиглэлийн 5 км авто зам, Нисэхийн товчоо-Биокомбинат-Шувуун фабрик чиглэлийн 22.5 км авто замын өргөтгөл, МТ-ын шатахуун түгээх станцын уулзвараас Хайлаастын эцэс хүртэлх 3.1 км авто замын өргөтгөл шинэчлэлтэд/Улаанбаатар, Чингэлтэй дүүрэг, 13, 16-р хороо/30,737,6 сая төгрөгийн санхүүжилтийг зарцуулахаар шийдвэрлэсэн байна.
 

Сонсголонгийн гүүрээс Яармагийн замын ажлыг үргэлжлүүлнэ

Орбитын уулзвараас -Толгойтын эцэс-Үйлдвэрчний эвлэлийн гудамж хүртэлх авто замын өргөтгөл шинэчлэлт 3,6 км, Шаргаморьтын амны 6.3 км авто замын  шинэчлэлт, Халдвартын автобусны эцсийн зогсоолоос зүүн тийш үерийн далан хүртэлх 1,8 км хэсэгчилсэн хатуу хучилттай авто зам /БЗД, 14-р хороо/ , Сонсголонгийн гүүрээс Яармагийн зам хүртэлх гэр хорооллын арын 4,9 км авто замуудыг үргэлжлүүлэн хийнэ.
Мөн Зүүн Алтан-Өлгийн авто замыг үргэлжлүүлэн барих, 630 у.м-т гэрэлтүүлэг хийх, Чингэлтэйн гудамж, 7 буудлын уулзвараас Чингэлтэйн эцэс хүртэлх 3,3 км авто замын өргөтгөл, шинэчлэлт , 22-ын хуучин уулзвараас мал бордох 1,7 км авто зам , Улиастай-Гачууртын чиглэлийн 11,0 км авто зам , Замын хөдөлгөөний зөрчил илрүүлэх болон авто замын хяналтын телекамер суурилуулах /1,3,4,10-р хороололд, Хар хорин зах, СУИС-ийн урд, Яармагийн гүүр, Офицеруудын ордоны аюулгүйн тойрогт/ ажлуудыг хийхээр шийдвэрлэсэн.
 

Нийтийн тээврийн шинэчлэлт

Нийслэлийн тээврийг 2020 он хүртэл хөгжүүлэх дэд хөтөлбөр, Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлагад Улаанбаатар хотын нийтийн тээврийн үйлчилгээнд бүртгэл хяналтын /GPS/ систем, тээвэрлэлтийн цахим төлбөрийн систем зэрэг дэвшилтэт техник технологийг нэвтрүүлэх замаар тээврийн үйлчилгээг зохицуулах “Цахим тогтолцоог” бий болгоно гэж заасан байдаг.
Уг заалтын хүрээнд тээврийн ухаалаг систем нэвтрүүлэхээр НИТХ-ын тэргүүлэгчдийн 2014 оны 10 дугаар сарын 22-ны өдрийн “Хамтарсан компани байгуулах тухай” 185 дугаар тогтоолын дагуу  Нийслэлийн өмчийн оролцоотой “Улаанбаатар смарт карт” компани байгуулагдаж2015 оны эхний хагас жилд  “Улаанбаатар хотын нийтийн тээврийн үйлчилгээнд бүртгэл хяналт, мэдээллийнболон цахим төлбөрийн /BMS,BIS, e-ticketing/ системийг цогцоор нь ашиглалтанд оруулахаар ажиллаж байна.
          “Нийслэлийн нийтийн тээврийн үйлчилгээнд удирдлага, мэдээллийн  болон цахим төлбөрийн систем”–ийг цогцоор нь нэвтрүүлснээр:Нийтийн тээврийн үйлчилгээний тээврийн хэрэгслийн бүртгэл хяналт, сайжирч, зорчигчид гар утас болонкартаар төлбөрөө хийх боломжтой болно. Мөн нийтийн тээврээр зорчигчдын судалгааг нарийвчлан гаргаж оновчтой төлөвлөлтийг хийх, үйлчилгээний чанар, соёлыг дээшлүүлэх, зорчигчдын аюул осолгүй, тав тухтай зорчих нөхцлийг бүрдүүлэн тээвэрлэгчдийн сахилга хариуцлагыг бүх шатанд сайжруулах, иргэдэд нийтийн тээврийн үйлчилгээний мэдээллийг шуурхай хүргэх ажилд ахиц гарч нийтийн тээврийн салбарын тулгамдсан асуудлуудыг шийдвэрлэх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Огноо: 2015-01-27

Барилга, байгуулалтын сайд Д.Цогтбаатар өнгөрсөн хугацаанд үйлдвэрлэлийн ноцтой осол гарсан компаниудын хөдөлмөрийн аюулгүй байдал, эрүүл ахуйн мэргэжилтнүүдийг хүлээн авч уулзлаа. Салбарын хэмжээнд үйлдвэрлэлийн осол гарсан компаниудын ХАБЭА-ын мэргэжитнүүдийг анх удаа хүлээн авч уулзаж байгаа нь онцлог бөгөөд шинэчлэн боловсруулж, улсын хэмжээнд мөрдүүлэхээр ажиллаж буй барилгын ХАБЭА-ын журамд тэдний туршлага, саналыг тусгах ач холбогдолтой юм. Уулзалтын үеэр БХБ-ын сайд Д.Цогтбаатар барилгын салбарт хийх гол ажлуудын нэг нь хөдөлмөрийн аюулгүй байдлыг хангуулах явдал гэдгийг онцлоод шинэчлэн боловсруулж буй ХАБЭА-ын журамд тухайн компаниудын сургамж, алдаа дутагдлын мөрөөр авч хэрэгжүүлсэн ажлуудаас санал авч, тусгах саналтай байгаагаа илэрхийлэв. Мөн цаашид барилгын салбарт ажиллаж буй хөдөлмөрийн аюулгүй байдал, эрүүл ахуйн мэргэжилтнүүдийн мэдлэг чадварыг нэмэгдүүлэх, үйлдвэрлэлийн ослоос урьдчилан сэргийлэх, барилгын салбарт эрүүл аюулгүй ажлын байрыг бий болгоход онцгой анхаарч ажиллахаа мэдэгдлээ. Компаниудын зүгээс одоогийн мөрдөж буй журам, хууль эрх зүйн актад зөрчилтэй байгаа зүйлүүд болон өдөр тутамд тулгардаг бэршээлүүдийн талаар санал бодлоо хуваалцлаа. Хариуцлагын тогтолцоонд хариуцах эзэн тодорхой болгох, ослын мэдээллийн талаар олон нийтэд дэлгэрэнгуй мэдээллэдэг байх зэрэг саналуудыг дэвшүүллээ. Мэдээг оруулсан: A.Otgonchimeg Эх сурвалж: http://www.mcud.gov.mn/

Огноо: 2015-01-25

Барилга, хот байгуулалтын сайд Д. Цогтбаатар АНУ-ын Азийн сангийн суурин төлөөлөгч, хатагтай Мелони К.Линдбергийг 2015 оны 1 дүгээр сарын 22-нд хүлээн авч уулзлаа. Суурин төлөөлөгч хатагтай Мелони К.Линдберг Азийн сангаас Монгол Улсад хэрэгжүүлж буй төсөл, хөтөлбөрүүдийн талаар танилцуулаад хоёр талын хамтын ажиллагаагаа цаашид гүнзгийрүүлэн хөгжүүлэх боломжийн талаар байр сууриа илэрхийлэв. БХБ-ын сайд Д.Цогтбаатар авлигын эрсдэл, түүнд нөлөөлөх нөхцөл боломжийг бууруулах бодлогын хүрээнд барилгын тусгай зөвшөөрлийн шийдвэр гаргах механизмыг ил тод, олон нийтэд хянагдахуйц болгох арга хэмжээнүүдийг авч ажиллахаар зорьж буйгаа мэдээлэв. Уг ажлын хүрээнд цахим технологийг түлхүү ашиглах сонирхолтой буйгаа илэрхийлээд Азийн сантай хамтран ажиллах санал тавьлаа. Талууд иргэдийн оролцоотой нийгмийн асуудлыг шийдвэрлэх, нийтийн үйлчилгээг сайжруулах чиглэлд хамтран ажиллах талаар санал солилцов. Мэдээг оруулсан: A.Otgonchimeg Эх сурвалж: http://www.mcud.gov.mn/

Огноо: 2015-01-25

Барилга, байгуулалтын сайд Д.Цогтбаатар өнгөрсөн хугацаанд үйлдвэрлэлийн ноцтой осол гарсан компаниудын хөдөлмөрийн аюулгүй байдал, эрүүл ахуйн мэргэжилтнүүдийг хүлээн авч уулзлаа. Салбарын хэмжээнд үйлдвэрлэлийн осол гарсан компаниудын ХАБЭА-ын мэргэжитнүүдийг анх удаа хүлээн авч уулзаж байгаа нь онцлог бөгөөд шинэчлэн боловсруулж, улсын хэмжээнд мөрдүүлэхээр ажиллаж буй барилгын ХАБЭА-ын журамд тэдний туршлага, саналыг тусгах ач холбогдолтой юм. Уулзалтын үеэр БХБ-ын сайд Д.Цогтбаатар барилгын салбарт хийх гол ажлуудын нэг нь хөдөлмөрийн аюулгүй байдлыг хангуулах явдал гэдгийг онцлоод шинэчлэн боловсруулж буй ХАБЭА-ын журамд тухайн компаниудын сургамж, алдаа дутагдлын мөрөөр авч хэрэгжүүлсэн ажлуудаас санал авч, тусгах саналтай байгаагаа илэрхийлэв. Мөн цаашид барилгын салбарт ажиллаж буй хөдөлмөрийн аюулгүй байдал, эрүүл ахуйн мэргэжилтнүүдийн мэдлэг чадварыг нэмэгдүүлэх, үйлдвэрлэлийн ослоос урьдчилан сэргийлэх, барилгын салбарт эрүүл аюулгүй ажлын байрыг бий болгоход онцгой анхаарч ажиллахаа мэдэгдлээ. Компаниудын зүгээс одоогийн мөрдөж буй журам, хууль эрх зүйн актад зөрчилтэй байгаа зүйлүүд болон өдөр тутамд тулгардаг бэршээлүүдийн талаар санал бодлоо хуваалцлаа. Хариуцлагын тогтолцоонд хариуцах эзэн тодорхой болгох, ослын мэдээллийн талаар олон нийтэд дэлгэрэнгуй мэдээллэдэг байх зэрэг саналуудыг дэвшүүллээ. Мэдээг оруулсан: A.Otgonchimeg Эх сурвалж: http://www.mcud.gov.mn/

Огноо: 2015-01-25